Уште една мисија, не како товар, туку како одговорност, обврска која ќе ја преземам со голема чест и гордост. Дури и мисијата на претседателот на албанската држава го носи печатот на претседателот Али Ахмети и БДИ, како печат на секој друг албански успех, напиша актуелниот министер за надворешни работи, Бујар Османи, откако синоќа му беше официјализирана кандидатурата за претседател на државата.

-Исполнет сум со длабоко чувство на одговорност и посветеност, следејќи ја предвидливата визија. Ниту една политичка функција во оваа држава не е невозможна за нас, Албанците!

Давам збор дека мојата посветеност нема да изостане!

ДА за нашиот сојуз со НАТО!

ДА за нашиот стратешки партнер - САД!

ДА за нашата интеграција во Европската Унија!, напиша Османи.

Министерот за надворешни работи и претседателски кандидат на ДУИ, Османи, најави дека меѓу темите на неговата кампања ќе бидат уставните измени за впишување на Бугарите и изборот на претседател на државата во Собранието. Тој очекува влез во вториот круг. Својата програма, како што рече, ја работел со домашни и меѓународни експерти, како претседателски кандидат ќе има своја веб страница и ќе им се обраќа на сите граѓани без оглед на етничката припадност.

На конвенцијата се обрати и лидерот на ДУИ, Али Ахмети, кој порача:

-Ние 23 години не сме изгубиле никогаш. Математички или практично нас не поддржуваат и во најтешките моменти. Сме инвестирале во капацитетите и во кадрите за подобро утре и така ќе продолжиме. Со нас не е лесно да се мерите. Тука сме сите ние што отвораме нови хоризонти. Ние сме стабилност и мир и добра европска иднина, рече Ахмети.