Бујар Османи објави дека во својот прв ден како нов министер за надворешпни работи прво остварил телефоински контакт со Филип Рикер, помошник-државен секретар на САД за Европа и Евроазија, кој воедно е и поранешен амбасадор на својата земја во Скопје.

„Продлабочување на стратешкото партнерство меѓу Република Северна Македонија и САД - еден од клучните надворешно-политички приоритети. На првиот ден од работата како министер за надворешни работи, остварив официјален телефонски разговор со помошникот државен секретар за европски и евроазиски прашања на САД Филип Рикер, и по тој повод ја потврдив нашата дефиниција преку која САД можат да се потпрат на нашата земја како пријател и искрен сојузник во регионот“, објави Османи.

Тој на позицијата шеф на македонската дипломатија доаѓа на местото на Никола Димитров, кој пак ја превзема неговата функција како вицепремиер за евроинтеграции.