Националното радио во Бугарија ќе прави емисии за Бугарите кои живеат надвор од земјата. Ќе има емисија за т.н бугарско малцинство во Албанија.

„Нашата идеја е преку моќта и авторитетот на јавното радио на публиката дома и во странство да ѝ раскажеме за Бугарите кои поради историски, социо-економски или други фактори живеат надвор од границите на својата татковина“, објаснува главниот уредник на „Радио Бугарија“, Красимир Мартинов.

На пописот имаше притисоци и обиди за поткуп за Македонците да се изјаснат како Бугари. Maкедонското друштво Илинден од Тирана бараше ЕУ да реагира затоа што Бугарите нуделе телефони и таблети на луѓето за да се изјаснат како Бугари.