Пратениците на бугарскиот парламент во две читања едногласно го ратификуваа Договорот за доброседство меѓу Република Македонија и Република Бугарија кој доби целосна поддршка од бугарската јавност и политички врв.

Договорот кој го постигнаа премиерите Заев и Борисов беше потпишан на 1 август минатата година, а потоа усвоен и од страна на владите на Македонија и Бугарија. Претходно и во Македонското Собрание Договорот за добрососедство беше ратификуван со само еден воздржан глас од страна на пратеникот Ферид Мухиќ.

Со договорот е предвидено да се почитува заедничката историја меѓу двете држави, да се слават заеднички празници и историски личности со меѓусебна согласност, а исто така ќе се формираат и комисии за утврдување на историски факти меѓу Македонија и Бугарија.

Со овој Договор за добрососедство Бугарија истакна дека се надминати сите проблеми и дека се создава силно сојузништво. Бугарија ќе биде голем пријател на Македонија и ќе придонесе во побрза интеграција во Европската унија без никакви блокади или условувања.