Бугарскиот професор Спас Ташев, споделувајќи го вчерашниот пост на поранешниот македонски премиер Љубчо Георгиевски, вели дека залудно е да се чека во Скопје да се случи суштинска промена.

„Во оваа своја објава, поранешниот премиер Љубчо Георгиевски дава пример како Албанија, иако со многу помали економски можности од Бугарија, гради модерна инфраструктура кон Косово и Македонија.

Во исто време посочува дека Бугарија е единствената соседна држава на Македонија која не прави ништо во таа насока.

Авторот додава дека Србија гради автопати и железнички линии, Грција исто така инвестира — само Бугарија реално ја нема.

Тој смета дека сè што Бугарија направила во однос на прашањето со Македонија е неопходно, но недоволно за да се излезе од ќорсокакот. Според него, изгледа како намерно да не се преземаат дејства, со што на практика се служат туѓи антибугарски интереси:

1. Голема заблуда е да се чека Скопје само да се реформира. Ако имало таков потенцијал, немаше да се дозволи тотална денационализација.

2. Бугарија треба активно да му помага на Скопје да се реформира, вклучително и преку лобирање во ЕУ во таа насока.

3. Без оглед на незаинтересираноста на властите во Скопје за зближување со Бугарија, Софија можела да ја подобри и гради нова инфраструктура до границата, со можност за европско финансирање.

4. Можело да се поддржи создавање на независни медиуми, дури и надвор од Македонија, за да се избегне контрола и притисок од властите во Скопје.

Заклучокот е јасен – ништо од ова не е направено, па затоа не може да се очекува во Скопје да настапи суштинска промена, напиша тој.