Антон Кутев, пратеникот од Бугарската социјалистичка партија, смета дека секој постигнат договор ќе биде залуден доколку Бугарите не ги убедат Македонците дека им се пријатели. Ова го искоментира опозиционерот како мислење за 24 Часа за предлогот на поранешниот бугарски претседател Росен Плевнелиев за надминување на кризата во односите.

„Предлогот од Плевнелиев не може да се случи, бидејќи мора да се работи со народот, а не со елитите. Претседателот Плевнелиев секогаш се претставува како демократ, но за мене тој носи многу тоталитаризам во неговото размислување. Тој сè уште не сфатил дека денешните светски процеси не се управувани од елитите, туку од народотите. Она што тој го нуди како шанса за преговори е невозможно кога нациите не се убедени во овие цели “ вели пратеникот на БСП и наедно член на Комисијата за надворешни работи на бугарскиот парламент. 

Тој потсети дека во 1920-тите и 1930-тите, за време на пост-национална катастрофа, осиромашената бугарска држава плаќала огромни суми за изградба на бугарски училишта на „западната периферија“.

„Политичарите тогаш знаеја дека за да се добие битка, мораше да бидат присутни преку културата. Кога за 10 години Борисов, кој сега треба да се справи со Заев, оддели средства или дипломатски напори, за бугарската држава да се обиде да ги убеди Македонците, освен што започна да дели пасоши затоа што сме браќа и блиски народи “, прашува Кутев.

За мислењето на Плевнелиев дека Македонците долго биле подложни на југословенската пропаганда, тој вели дека Бугарија не содговорила соодветно.

„Дали одговоривме на оваа пропаганда, дали ги убедивме овие луѓе дека навистина им мислиме добро? Затоа што тие не мислат така и тоа е проблемот.  Затоа, она што го нуди Плевнелиев не може да се направи. Напротив, тоа е фиктивна зделка, таа ќе биде склучена и нема да се оствари. Како и со Договорот за добрососедство, што беше потпишано и неспроведено “, коментира социјалистот.