ВМРО-ДПМНЕ ги демантира наводите на бугарскиот медиум „лупа.бг“ дека премиерот Христијан Мицкоски во 2008 година аплицирал за бугарско државјанство во конзулатот во Скопје, па се откажал. Велат дека ова е бугарска пропаганда против Македонија.

„Информациите дека наводно Христијан Мицкоски барал бугарски пасош се производ на бугарската пропаганда против Македонија и нејзините платени слуги во самата држава. Ваквите удари и лаги се резултат на едноставната вистина – единствената и најсилна пречка за негирачките барања на Бугарија кон Македонија се ВМРО-ДПМНЕ и Христијан Мицкоски. Сликата е кристално јасна: од една страна е Венко Филипче, кој без никакви гаранции за македонскиот идентитет и јазик, се залага Бугарите да бидат внесени во Уставот; од друга страна е Христијан Мицкоски, кој ги стопира максималистичките барања и го брани националниот идентитет и македонскиот јазик. Затоа бугарската пропагандна машинерија со сите сили ги активира своите инсталации и соработници во обид да нанесат штета на македонските позиции“, вели партијата во соопштението.

Европратеникот Андреј Ковачев тврди дека и пратеници и роднини на нашите премиери имале бугарски државјанства.