Бугарската страна не ги прифатила предлозите на македонскиот тим
Бугарија сака да наметне свој поглед кон минатото, тврди македонскиот тим од историската комисија по најновиот состанок кој не вроди со плод.
Според македонската страна, ова можеби биле најтешките разговори досега. Додаваат дека според нив, бугарската страна сака да наметне нивен поглед за минатото и образовниот систем во друга држава.
Од македонскиот тим за МИА велат дека на дискусијата за подобрување на учебниците по историја, бугарската страна не ги прифатила предлозите на македонскиот тим.
Од бугарската страна рекоа дека за Гоце Делчев тешко ќе се најде разбирање.
Нема напредок во преговорите меѓу македонските и бугарските историчари. Уште еден состанок на македонско – бугарската историска комисија заврши без успех. Ангел Димитров, шеф на бугарскиот тим во заедничката Мешовита комисија за историјата изрази разочарување по дводневната средба со македонските колеги од Мешовитата комисија, пренесе БГНЕС.
Слично
Поврзани вести
