Бриселски Политико објави каков компромис очекува Бугарија
Софија да признае македонски јазик и идентитет, a Скопје - бугарски темели на јазикот и идентитетот, пишува бриселски Политико повикувајќи се на дипломатски извор.
Весникот кусо објави дека на вчерашниот состанок на амбасадорите на ЕУ во Брисел наводно е постигнат некаков, како што се нарекува „бугарски компромис“, којшто ќе овозможи да почне првата Меѓувладина конференција меѓу ЕУ и Македонија.
Весникот наведува и дека Бугарија се согласила на тој „компромис“.
Премиерот Зоран Заев изјави дека не се прифатливи некои од сигналите кои доаѓаат од Бугарија.
Не ни е целта да ја блокираме, напротив 30 години сме и помагале на Македонија, изјави вчера шефицата на дипломатијата на Бугарија, Екатерина Захариева.
Таа за БГНЕС вели дека Договорот за пријателство меѓу Бугарија и Македонија ги има сите гаранции да се применува во добра волја и од двете страни.
Потсети дека на седницата на 10 ноември на Советот за заеднички работи треба да се одобри Преговарачката рамка, но тоа, според неа, не е конечен датум.
Слично
Поврзани вести
