Братот на починатата Ивана откри дека Стојанче од неа барал 30.000 евра
Братот на починатата Ивана, Александар Стојановски денеска на суд кажа дека таа била жртва на уцени, физичко насилство и имотен грабеж. Како виновник за ваквата состојба го посочи нејзиниот сопруг Стојанче Јовановски.
Рече дека Ивана живеела во страв дека сопругот фалсификувал документи за да ѝ го преземе станот.
„Ивана ни кажа дека Стојанче ѝ се заканувал дека ќе ѝ го земе станот и ѝ барал 30.000 евра за да си оди. Таа не се враќаше кај него доброволно, туку поради страв за сопствениот живот и за безбедноста на 6-годишната Катја. Беше изолирана од пријателите и под постојан надзор“, сведочеше Александар.
Училиштето било информирано за семејното насилство во домот на првачето Катја уште на почетокот на учебната година - сведочеше нејзината наставничка на денешното судско рочиште во Основниот кривичен суд. Таа детално го опиша однесувањето на Катја, контактите со мајка ѝ Ивана и таткото Стојанче, како и настаните што му претходеле на 2 март, денот кога мајката Ивана се самоуби заедно со шестгодишната ќерка Катја скокајќи од стан во скопската населба Тафталиџе.фото МИА
Слично
Поврзани вести
