Бездомникот од Филаделфија, кој лани го привлекол вниманието на сите светски медиуми, затоа што последните 20 долари и ги дал на една жена во проблем, повторно се нашол во центарот на вниманието.

Кога Кејт Меклур минатиот ноември останала без гориво ноќе, не знаела што да прави и каде да се јави. Во тој момент се појавил Џон Бобит Помладиот, кој и ги дал последните 20 долари. Тој за неа купил бензин и се погрижил безбедно да стигне дома. Таа за возврат започнала да собира пари за него на „GoFundMe", и собрала околу 400.000 долари. Тој така можел да започне нов живот. 

Бобит вели дека нема пристап до тие пари и дека од 400.000 останале околу 200.000 долари.Тој со Кејт и нејзиното момче Марк Дамико имал добар однос, но подоцна се се променило.

Дамико вели дека тој го контролира пристапот до парите и дека нема да му ги даде на бездомникот додека не се откаже од дрогата и не пронајде работа.

„Нема да му ги дадам парите. Ќе ги запалам пред него. Да му дадеш пари на наркоман е исто како да му дадеш полн пиштол"- вели тој.

Бобит признал дека парот првобитно му дал 25.000 долари кои ги поделил со роднините и пријателите, но трошел и на дрога.

Тој ги обвинува Кејт и Марк дека ги прокоцкале неговите пари и сака да истражи дали само тие имаат правен пристап на тие пари. Не е исклучено овој случај да заврши и на суд.