Состојбата се искомплицира, јас сум во Будимпешта. Уствари не сум, само не сум на фејсбук, благодарам за сите што прашаа дали е цензура, не е, и дали сум добро и тоа не, вели за Фактор, Божидар Божиновски, македонски писател и сценарист, активист на социјалните мрежи. 

Во изминатите денови откако стана јасно дека Сашо Мијалков не и достапен на полицијата Божиновски, познат и како Моџо Клингтон напиша доста статуси на таа тема, но вчера наеднаш го снема од социјалната мрежа фејсбук. Поради ова, многумина коментираа и се прашуваа зошто неговиот профил не е достапен.

Во изјавата вели дека сам го деактивирал профилот, односно дека не станува збор за цензура.

„Не може човек кој има во себе гнев, омраза, отров и беспомошност да е добро. Ама ќе помине. Ионака има многу омраза по социјалните мрежи, дополнителна нема потреба. Ако станам подобар човек ќе изненадам со враќање ко Мијалков вчера, ако не има таму многу подобри и попаметни од мене од кои може да научите нешто. Фејсбук не е живот, животот не е Фејсбук. Следачи и слично не значат ништо и престанете да им давате на значење на луѓе ко мене додека најдобрите се на маргините и надвор од државата. Затоа што не е нормално да ве интересира зошто го нема тип шо има телефон и истата апликација како вас, вели Божиновски.