Бугарскиот премиер Бојко Борисов во Минхен вчера изјави дека има ретка шанса, цела Европа сака да даде перспектива на Република Северна Македонија и Албанија и воопшто на Западен Балкан. 

Но, вели дека расте чувството дека колегите таму не сфаќаат колку е важен моментот и дека секој внатрешнополитички настан нема никакво значење за овие земји, ако се пропушти овој момент.

За Бугарија рече дека стои стабилно во регионот и дека е атрактивно место за инвестиции. 

Францускиот претседател Емануел Макрон изјави дека ќе им овозможи на Северна Македонија и на Албанија да ги почнат разговорите за пристапување во Европската унија доколку следниот месец извештаите на Европската комисија за двете земји бидат позитивни.