Бојан Јовановски-Боки13 денеска не можеше да присуствува на седницата во Апелациониот суд за предметот „Меѓународен сојуз“ поради тоа што се уште е на болничко лекување по операцијата на желудникот.

-Јавната седница пред Апелациниот суд Скопје по кривичниот предмет КОКЖ-153/22 во јавноста познат како „Меѓународен сојуз“ закажана за ден 05.06.2023 година, се одложи поради неможност на обвинетиот Б.Ј.од С. да присуствува на седницата кој по извршена хируршка интервенција сеуште е хоспитализиран и на болничко лекување. Заради тоа судот насрочи нов термин за јавна седница на 10.07.2023 година во 10:30 часот за што странките и присутната јавност беа усно известени, се вели во соопштението на судот.

Кон крајот на март Бојан Јовановски имаше комплексна хируршка интервенција при што му беше отстранет речиси целиот желудник. Според лекарскиот тим, постоперативниот период и рехабилитацијата ќе трае долго време.