Oбвинетиот во судскиот предмет „Меѓународен сојуз“, Бојан Јовановски попознат како Боки 13,  денеска со полиција беше изнесен од судница, поради непристојно однесување и кавга со судијката.

Јовановски реагираше дека недостигаат материјали од неговиот телефон, кој го вештачеше МВР и дека не е виновен што тие не се презентирани, бидејќи форензичкото вештачење го добил летото. Ја обвини судијката Софче Гаврилова Ефремова за цензура и побара нејзино изземање од случајот.  Атмосферата во судницата се вжешти во моментот кога Јовановски рече дека бил во пријателски односи со блиска роднина на судијката, по што Гаврилова-Ефремова побара интервенција на затворската полиција.

Освен Боки 13, во случајот „Меѓународен сојуз“, се гонат и неговиот татко, вработени во невладината и екс пратеничката Фросина Ременски. Обвинети се за измама на двајца бизнисмени.