Францускиот предлог за кревање на бугарското вето за Македонија поттикна лавина коментари. 

Петар Богојески од Македонски концепт на социјалните мрежи пишува дека е за членство на Македонија во ЕУ, но е против какви бугарски услови во ЕУ протокол. 

„Доколку билатералните прашања станат ЕУ услов, Македонија никогаш нема да влезе во ЕУ!!! Кој сака ЕУ членство, кој е проЕУ определен, кој е напреден и прогресивен… тој ќе биде против „француски предлог” за бугарски услови во ЕУ протокол! Кој сака помирување помеѓу МК и БГ ќе биде против „француски предлог”! Кој сака успех на руски планови за трајно МК - БГ непријателство, кој е антиЕУ проширување, кој е за МК во „руски свет”… тој ќе го поддржи „францускиот предлог”!, наведува Богојески. 

Предлогот веќе стигнал во Софија.