Стефан Богов, новиот градоначалник на општина Карпош, ги најави првите мерки против загадувањето и плановите за поддршка на еко проекти. Богоев вети дека на на терен се пронаоѓаат дивите депонии кои најчесто се палат и се санкционираат прекршителите, а исто така и инспекциските служби ја проверуваат хигиената околу градилиштата.

Освен решавањето на проблемот со паркирањето, Богоев на прес конференција истакна дека веќе имал средба со активистите од Карпош 3 и Карпош 4 кои подолго време протестираа против урбанистички планови. Тој најави дека ќе се формира стручен тим од правници, архитекти и други стручни лица, кои ќе треба да ги проверат урбанистичките планови.

Во Карпош и понатаму ќе се гради , но во помалку развиените делови каде има простор општината да се шири, како што се Бардовци, Злокуќани, Зајчев Рид и просторот кај касарната „Илинден“.

Стефан Богоев, најави дека проблемот со недоволно паркинг места со кој се соочуваат одредени делови од Општината, ќе се решава со еко-паркинзи, односно со монтажни платформи. Како најпроблематични во однос на паркирањето, Богоев ги посочи просторот кај Млечен ресторан и кај Порта Влае. Паркингот за жителите на општина Карпош ќе остане бесплатен.