Кандидатот на СДСМ за градоначалник на општина Центар, Саша Богдановиќ денеска се сретна со претставници на Асоцијацијата на архитекти на Македонија. 

„Денес се сретнавме со Мартин Пановски и Ана Радониќ од Асоцијацијата на архитекти на Македонија. Целите, одредбите и делокругот на работата на ААМ се подредени на поширокиот интерес за развој, унапредување и афирмација на архитектонската професија, како на територијата на Република Македонија, така и во меѓународни рамки. Меморандумот за соработката меѓу Општина Центар и ААМ е потпишан пред три години, а ние планираме да ја продолжиме таа соработка со нив, со цел да се поттикне современата архитектура и нејзиното вреднување“ - вели Богдановиќ. 

Додава дека треба да се зачува угледот на архитектите, но и да се делува за заштита на животната средина.