Епидемиологот Благоја Алексовски побара да се вратат дел од старите рестрикции од страна на здравствените власти во пресрет на експанзијата на делта сојот на Ковид-19. Еден од неговите предлози е вакцинацијата да се одвива без термин, односно кој сака, да отиде да ја прими, со цел да се зголеми имунизацијата.

- Со актуелните мерки младите се групираат во затворен простор. Треба да се укинат некои од олеснувањата и да се вратат рестриктивните мерки за да не се најдеме во ситуација наеднаш да имаме голем пик што ќе значи тешка ситуација за државата и здравствениот систем, рече Алексовски во вестите на Телма.

Тој додаде дека со навремени рестриктивни мерки ќе се заштитиме од ширењето на делта варијантата, а на граѓанинот ќе му се даде можност со примање на две дози да створи добар имунитет и да биде отпорен.