БИТИЌИ ОД ШВАЈЦАРИЈА „НОСИ“ КОМПАНИЈА ЗА НЕДВИЖНОСТИ - Ре/Макс стартува со работа на македонскиот пазар
Вицепремиерот за економски прашања, Фатмир Битиќи, денеска имал средба со претставници на реномирана светска компанија за недвижности за време на неговата службена посета на Швајцарската Конфедерација.
Битиќи остварил работна средба со потпретседателите на Ре/Макс Европа, Курт Лукас и Адриан Бури.
„Ре/Макс е американска интернационална компанија за недвижности со повеќе од шест илјади канцеларии ширум светот.
Ре/Макс како една од најголемите, најреномирани и најуспешните компании, ќе го професионализираат пазарот со недвижнини во Северна Македонија и ќе воведат меѓународни стандарди во купувањето, продавањето и изнајмувањето на недвижности во нашата земја.
Дополнително, тоа ќе не стави на меѓународната карта за недвижности што пост-ковид ќе значи раздвижување и отворање на пазарот за недвижности и економијата целокупно“, потенцираат од Кабинетот на Битиќи.
Од друга страна пак, како што велат, потпретседателите на Ре/Макс Европа, по првите разговори и донесувањето на одлуката за проширување во нашата земја во март 2020, на оваа средба потврдиле дека продолжуваат со нивните намери, по речиси година пауза поради ковид, да започнат со работа.
Слично
Поврзани вести
