Репортер на бугарската новинска агенција БГНЕС пренесува дека со навредливи скандирања бил дочекан бугарскиот премиер Кирил Петков кога тој се симнал од хеликоптерот со кој пристигна во градот Битола.  

- Македонците скандираа „Татари гробари“ и „Валкани кучиња“, тврди агенцијата.

Како што беше претходно најавено, по пристигнувањето на бугарскиот премиер во Битола беа организирани протести на Сојузот на антифашисти и нивните следбеници и на крајнолевичарската екстремистичка парламентарна партија Левица. На протестот учествуваше и митрополитот на МПЦ Петар, јавува агенцијата.

На дел од плакатите пишуваше: „Македонското малцинство во ЕУ“; „ОМО Илинден Пирин - тест за демократијата во Бугарија“; „Регистрирајте го ОМО Илинден во Бугарија“; „Имате крвави раце“; „Гробиштата се полни со бугарско пријателство“; „Гоце = Македонија“ и други.