Министерството за внатрешни работи нема активен систем за казнување на сите оние кои користат автомобили со странски регистарски таблички во земјата. И покрај стапувањето во сила на системот „Безбеден град“ на 1 февруари, досега нема податоци за тоа колку граѓани се запрени или казнети од оваа категорија граѓани, кои главно користат регистарски таблички од странски земји, бугарски, српски, албански, косовски итн.

„Во рамките на имплементацијата на проектот „Безбеден град“, прекршоците направени од возила со странски регистарски таблички, евидентирани преку системот за автоматски видео надзор и откривање на сообраќајни прекршоци, ќе бидат обработени на граничните премини. При секој влез или излез на возилото од земјата, лицето ќе биде известено за сторениот прекршок и ќе биде должно да ја плати изречената казна согласно законот“, изјави  заменик-министерот за внатрешни работи Астрит Исени за Алсат ТВ.

Сепак, она што го кажува министерот е само воо духот на законот, додека всушност, не е спроведена никаква мерка против возилата со странски регистарски таблички, објави Алсат ТВ.