„БЕЗ ПАУШАЛНИ ОБВИНУВАЊА, САМО ПРАВНО АРГУМЕНТИРАНО!“: Апасев до министерот за внатрешни Тошковски
После вчерашната експликација за одговорноста на Градоначалникот на Кочани, денес продолжуваме со правни аргументи зошто и МИНИСТЕРСТВОТО ЗА ВНАТРЕШНИ РАБОТИ, на чело со министерот, сноси одговорност за ситуацијата со дискошталата...
Со овие зборови денеска го почна својот пост пратеникот и професор Димитар Апасиев, пренесувајќи дел од законите на социјалните мрежи и укажувајќи дека и министерот за внатрешни сноси одговорност.
- Согласно чл. 21, ст. 1, ал. 4 од Законот за угостителска дејност (Сл. весник на РМ бр. 62/2004), кој досега е менуван дури 15 пати, МВР дава СОГЛАСНОСТ за објектот дека ги исполнува условите за заштита на јавниот ред и мир + за безбедност во сообраќајот [паркинг и сл.].
Но, покрај оваа изрична ЗАКОНСКА НАДЛЕЖНОСТ, Министерството со кое раководи Панче Тошковски - во јавноста попознат и како „адвокатот на урбаната мафија“ - има и дополнителни ингеренции за дискотеки и кабариња - и тоа:
- проверка на работно време;
- проверка на пиротехнички средства;
- проверка на гласност и бучава;
- проверка на присуство на малолетници (и точење алкохол);
- проверка на наркотични супстанци и др.
Така да, министре - и да не сте директно кабает со непосредна вина, во крајна линија имате ПОЛИТИЧКА и ПРАВНА ОДГОВОРНОСТ за овој случај, затоа што вие сте министер од јануари 2024, а фалц-лиценцата е обновена во март 2024 - што значи токму во времето на Вашето министерување!
Оттука, мислам дека смената на командирите и началниците на СВР и ОВР не е доволна и е жртвување пион за кралица. Потребно е да покажете доблест и да си поднесете ОСТАВКА од морални причини - напиша Апасиев на Фејсбук.
Слично
Поврзани вести
