Богдан Илиевски, познат под интернет прекарот Бетмен Велит, со шише вода беше спроведен на распит во Кривичниот суд Скопје 1. Илиевски заедно со уште 35 лица е осомничен од страна на Јавното обвинителство на Република Македонија за кривичното дело Терористичко загрозување на уставниот поредок и безбедноста. 

Тој за време на крвавите настани истакнуваше дека не сакал да дојде до инциденти и внатре во Собранието влегол за да помогне во гужвата при што апелирал до луѓето пред влезот да се донесе вода на тие што им е потребно.

Богдан Илиевски беше еден од главните предводници на протестите на организацијата „За заедничка Македонија“, а дел од демонстрантите влегоа во Собранието на 27 април.

По десетина лица и натаму полицијата трага, а меѓу денес приведените се Чавков, неколку пратеници, организатори на протестите и учесници во инцидентите.

Фото: sdk.mk