Во текот на изминатиoт ден (10.05), на подрачјето на Сектор за внатрешни работи Скопје се случиле девет сообраќајни незгоди од кои една со тешки телесни повреди, седум со телесни повреди и една со материјална штета. 

При сообраќајните незгоди едно лице се здобило со тешки телесни повреди, а осум лица се здобиле со лесни телесни повреди. 73 возачи се санкционирани бидејќи се движеле со поголема брзина од дозволената. 

Исто така, исклучени се и 38 возачи, бидејќи 23 го управувале возилото пред да се стекнат со право за управување на моторно возило, двајца биле возачи почетници и 13 го управувале возилото под дејство на алкохол. 24 возила се исклучени од сообраќај бидејќи 18 биле нерегистрирани, четири технички неисправни и две со претовар. Двајца возачи се санкционирани бидејќи поминале крстосница на црвено светло, четворица не дале првенство на минувивање на пешаци, двајца неправилно се престроиле, тројца неправилно престигнувале и 26 не користеле заштитен шлем. Во однос на пешаците, санкционирани се двајца пешаци кои поминале коловоз надвор од пешачки премин и четворица затоа што поминале коловоз на црвено светло. Во текот на изминатиот ден издадени се 139 мандатни платни налози,  додека 75 возила се подигнати со "Пајак".