Опозициската албанска партија БЕСА, сè уште нема одлучено како ќе гласа за предлог-законот за јазиците кој предвидува проширување на употребата на албанскиот јазик и на заедниците со над 20%. Пратеникот од ова партија, Зекирија Ибрахими, вели дека сè уште се анализира предлогот, кој според него не значи официјализрање на албанскиот.

БЕСА беше партијата која и во текот на кампањата и по неа бараше „редефинирање“ на Република Македонија и официјализирање на албанскиот јазик како службен. 

Предложениот закон барем во почетната основна форма доби доста негативни критики од опозицијата предводена од ВМРО-ДПМНЕ која смета дека ова е вовед во двојазичност и менување на уставните начела на мала врата, а се побунија и членовите на Институтот за македонски јазик „Крсте Петков Мисирков“ бидејќи не биле консултирани и не се спровела поширока јавна дебата.

За одредбата, јазикот кој што го зборуваат 20 отсто од граѓаните, да се користи и на униформите на полицијата, пожарникарите и здравството, се чека стручно мислење од Венецијанската Комисија.