БЕСА, најголемата албанска опозициска партија во Собранието, даде поддршка за предлог законот за употреба на јазиците, но е незадоволна од повеќе елементи бидејќи со него сметаат дека албанскиот јазик нема да добие статус на втор службен јазик во Република Македонија.

– Нашата интервенција нема да биде на целиот Закон, туку само во оние делови за кои сметаме дека се неисправни односно во деловите кои ќе го направат албанскиот јазик втор службен во државата, рече пратеникот Фадил Зендели.

Тој најави дека за второто читање ќе поднесат амандмани со кои Законот ќе биде исправен и ќе тргне во вистинска насока, односно во насока во која ќе стане втор службен јазик.