Бензините од полноќ ќе се продаваат по пониски цени, додека дизелот и екстра лесното масло поскапуваат, одлучи Регулаторната комисија за енергетика.

Од 00:01 часот на 9 јуни, ЕУРОСУПЕР БС-95 ќе чини 86 денари за литар, што е намалување за 2 денари, додека ЕУРОСУПЕР БС-98 ќе се продава за 88 денари за литар, исто така поевтино за 2 денари.

ЕУРОДИЗЕЛ БС се зголемува за 1,5 денари и ќе чини 87 денари за литар. За истиот износ поскапува и екстра лесното масло за домаќинство, кое ќе се продава за 89 денари за литар.

Мазутот М-1 НС се намалува за 0,609 денари и новата цена ќе изнесува 47,297 денари за килограм.

Од Регулаторната комисија наведуваат дека со новата одлука малопродажните цени на нафтените деривати во просек се намалуваат за 0,46 проценти во однос на цените утврдени на 1 јуни. Според образложението, референтните цени на светскиот пазар кај бензините бележат намалување, додека кај дизелот и екстра лесното масло има зголемување.