Лидерот на Демократската унија за интеграција Али Ахмети, организираше проштален ручек за американскиот амбасадор во Македонија Џес Бејли, кој заминува од должност во почетокот на март.

Ахмети истакна дека кога и да се врати за да ја посети Македонија, Бејли ќе најде конак во неговиот дом и неговото семејство.

Тие разменија мислења околу ДУИ и за перспективите во наредните две децении, членството во НАТО и ЕУ, реформите, претседателските избори, како и за дијалогот помеѓу Косово и Србија.

Ахмети и Бејли направија ретроспектива на четиригодишната соработка и на постигнувањата на земјата во овој период.

Ахмети изрази благодарност до Бејли и неговата подржувачка улога за излез од кризата и чекорењето  кон евроатлантската интеграција. 

Во овој период се затвори спорот со Грција и Бугарија, се постигна јазичната еднаквост, де факто сме членка на НАТО и очекуваме во јули да добиеме датум за почеток на преговорите за членство во Европската Унија. Но, останува да се направат уште многу работи, како реформата на органите за безбедност, администрацијата и владеењето на правото.