Бараме да не му издавате нови документи и ново државјанство на Гоце Делчев, вели Ангел Џамбаски, заменик претседател на парламентарната партија ВМРО БНД.

Додава дека никому не би му паднало на памет дека Македонија воопшто може да има такви претензии какви што спомнал македонскиот премиер Зоран Заев.

Заев продолжува да се преправа дека е „сиромашен и несреќен“, наведува Џамбаски. 

„Престанете да се преправате дека не знаете дека Гоце Делчев недвосмислено и неспорно се прогласил за Бугарин“, пишува Џамбаски на Фејсбук.

Вели дека реториката на македонските политичари за револуционерот е инспирирана од политиката на Југославија.

Заев претходно најави дека земјава е подготвена да потпише амандман на постојниот Договор за пријателство, добрососедство и соработка, со кој ќе се нагласи дека нема територијални претензии кон Бугарија.

Бугарскиот европратеник Андреј Ковачев вчера на социјалните мрежи се надоврза на барањата на бугарскиот вицепремиер и министер за одбрана Красимир Каракачанов и побара на таблите на сите споменици во Македонија поимот „бугарски окупатор“ да се замени со „бугарска администрација составена главно од Македонци“.

Можно е Бугарија да ги блокира преговорите на Македонија со Европската Унија.