Бараат на референдум луѓето да се изјаснат за образовните реформи, од МОН велат дека е апсурдно да протестираат
Во повеќе градови денеска во организација на Граѓанската иницијатива „Учебници и настава мора да има“ се одржаа протести против новите реформи во образованието.
Министерството за образование и наука целосно го легитимира правото на протест на граѓаните, затоа што е уставно загарантирано. Но, сепак, велат дека причината поради која се користи ова право, не е оправдана.
„Апсурдно е да се протестира против дигитализација на образованието, ако се има предвид дека тоа е глобален процес кој се случува во голем број земји во светот, а Северна Македонија мора да фати чекор со современите трендови и да се приближува кон стандардите за квалитет на образование, кои ги наметнуваат развиените општества“, се вели во соопштението.
Велат дека новиот Закон за учебници и други наставни и дидактички материјали ќе ги донесе европските практики во нашите училишта.
фото Средношколски глас
Слично
Поврзани вести
