„БАРААТ ДА СЕ СКАРАМЕ СО СРБИТЕ“: Ванковска открива друг дел од извештајот на ЕУ, еве што и пречи на Европа!
Професорката Билјана Ванковска вели дека во извештајот на ЕП, на Европа и пречи што Македонија е блиска со Унгарија, но и додава дека не им се допаѓаат блиските односи со Србија.
„Чекајќи ја интегралната верзија на извештајот на ЕП, го издвојувам овој (геополитички) дел, кој има бизарна врска со Копенхагенските критериуми:
The Parliament is deeply concerned that North Macedonia and other EU accession countries in the Western Balkans are being particularly hard hit by foreign interference and disinformation campaigns. It is also alarmed by the roles of the Hungarian Government and the Serbian Government in advancing China’s and Russia’s geopolitical objectives, states the resolution.
Прво, нѐ обвинуваат за блиски односи со нивна полноправна членка (иако не многу популарна) - Унгарија.
Второ, од нас бараат “добрососедски односи” ама сакаат да се скараме со Србите, иако тие (божем) го поддржуваат и членството на Србија (и БиХ) во ЕУ.
Конечно, треба да се скараме и со Русија и со Кина - а тие развиваат односи на соработка со Кина особено поради царините на Трамп. Руски енергенси купуваат “под рака” со прокси.
За нас знам дека имаме власт која колку и да ја понижуваат, таа ќе им бакнува рака. Ама, ЕУ знае ли кај тера? И како мисли да го стабилизира Балканот со негова дестабилизација?
Заборавив да додадам нешто за ефектите врз внатрешната стабилност на Македонија: инсистирајќи на наводно влијание на т.н. Српски свет, ЕП директно ги поткопува меѓуетничките односи. Албанската заедница едвај дочека да викне: “фатете го крадецот (Србите ни се непријатели)”. Уставен суверенитет не постои кај нас од 2018, од миксот на европски и балкански методи како што сугерираше еврокомесарот Хан.
Балканскиот котел го меша Брисел. Големите европски сили нѐ третираат како парички за поткусурување“, вели таа.
Слично
Поврзани вести
