Нефункционалните кредити се зголемуваат. Според последните информaции од здружението на банкари, заклучно со септември неликвидните кредити изнесуваат 10,6%. Банкарите признаваат дека имаат проблеми со наплата на кредитите. Првиот човек на здружението на банкари, Ѓорѓи Јанчевски тврди дека расте бројот и на хипотеки. „Има голем број на хипотеки, проблем е што тие хипотеки тешко се продаваат. Можам да кажам дека во моментот единствено ликвидни се становите, деловниот простор, фабрики многу многу потешко се продаваат и се реализираат“, вели Ѓорѓи Јанчевски, претседател на Здружението на банкари. Становите под хипотека генерално се поевтини од оние што се нудат на пазарот, но велат банкарите луѓето понекогаш се плашат да купуваат, оти сметаат дека ќе има проблем со старите сопственици. Според последните податоци од Народната банка на Македонија, вкупната задолженост на домаќинствата кон банките по основ на кредити изнесува 1,3 милијарди евра, додека во истиот период лани оваа бројка изнесуваше 1,2 милијарди евра. Еве што покaжуваат бројките од НБРМ, заклучно со септември 2012 година. Вкупни кредити на домаќинствата  1,3 милијарди евра. Потошувачки кредити

• во денари                               514,7 милиони евра
• во странска валута             13,6 милиони евра
• Вкупно:                               527,9 милиони евра

Станбени кредити

• во денари                                    262 милиони евра
• во странска валута                  48,7 милиони евра
• Вкупно:                                     310,7 милиони евра

Автомобилски кредити

• во денари                                  31,2 милиони евра
• во странска валута               3 милиони евра
• Вкупно:                                 34,2 милиони евра

Кредитни картички

• во денари                              196,8 милиони евра
• во странска валута                 81 илјади евра
• Вкупно:                              196,881 милиони евра

Други кредити

• во денари                                         33,3 милиони евра
• во странска валута                         11,1 милиони евра
• Вкупно:                                         44,4 милиони евра

Од податоците на НБРМ, може да се заклучи дека сеуште е висока и бројката на сомнителни и спорни побарувања. Еве што покажуваат бројките заклучно со септември годинава. Сомнителни и спорни побарувања

• во денари                                           87,5 милиони евра
• во странска валута                         8,4 милиони евра
• Вкупно:                                             95,9 милиони евра

Истовремено, анализата на банкарите покажува дека во стуктурата на нефункционални кредити поголемо учество имаат компаниите. За банкарите опаѓа финансиската  кондиција за отплата на кредитите од страна на фирмите. Токму задолженоста на компаниите по банките е една од причините и за намалениот број на поднесени барања за кредити. Првиот човек на банкарското здружение Јанчевски го потврдува ова, но сепак вели дека банките сеуште може да кредитираат, но се зависело од кредитниот проект. Јанчевски исто така соопшти и дека се намалува бројот на штедните влогови на компаниите. Заклучно со септември депозитите на фирмите се намалиле за 7% односно за 62 милиони евра, додека пак за 5% или 140 милиони евра се зголемени штедните влогови на на населението.   И.М