Здружението на банкарство при Стопанската комора на Македонија, во среда го организираат првиот „Банкекспо“ што ќе се одржи во Скопје, а  по повод Светскиот ден на штедењето, 31-ви октомври. Ќе биде организиран форум на кој ке учествуваат банкари, бизнисмени од сите стопански комори во Македонија, научници, претставници од странските инвеститори. На Форумот ќе зборуваат и министерот за финансии Зоран Ставревски, како и гувернерот на НБРМ Димтар Богов. „Очекувањата се дека и 2013-та година ќе биде тешка, уште повеќе што во земјата 13 месеци по ред паѓа индустриското производство, а Македонија е во рецесија. Целта отворено да разговараме за кризата пред министерот Ставревски и гувернерот Богов, да си ги кажеме проблемите и да пронајдеме решенија кои ќе ни помогнат полесно да ја поминеме 2013-та“, изјави Ѓорѓи Јанчевски, претседател на здружението на банкари.