Поранешниот градоначалник на Охрид од ВМРО ДПМНЕ, Никола Бакрачески по завршувањето на мандатот, наместо како шеф на одделот за интервентна кардилологија каде што беше претходно, е распределен на пониско работно место. 

Поставен е за раководител на одделението за срцеви аритмии. Бакрачески обивни за партиски реваншизам.

„Тогаш кога јас одлучував не постоеше термин партиска припадност или партиски реваншизам во лексиконот на оваа институција и тоа можат да го потврдат вработените, а останатите кои сакаат да дојдат до вистината можат да го дознаат“- вели Бакрачески.

Гордана Донеска, директор Завод за кардиоваксуларни заболувања Св Стефан- Охрид вели дека Бакрачески никогаш и не работел и не знае да работи во одделот за аритмии. 

Директорката пред некое време го назначила и нејзиниот сопруг за втор човек во болницата. 

„Унапредувањето на сопругот од доктор во раководител на стационарно болничкиот оддел го направив поради тоа што претходната раководителка замина на супспецијализација и моментално не е тука. Изборот е извршен според сите критериуми, а во болницата сите доктори имаат некаква раководна функција“- вели Донеска.