Претседателот на Единствена Македонија, Јанко Бачев пред демонстрантите кои протестираа пред Собранието синоќа кажа дека она што се случува е голема лага и дека нема меѓународен договор.

„Дека името е сменето заборавете, тоа е голема лага. Меѓународен договор не значи ништо, во декември Заев ќе оди на избори, ќе се фали дека не го променил името. Ќе видите дека не важи ништо. Сакам да ве охрабрам, Македонија ниту ќе стане членка на НАТО, ниту името ќе се промени. Близу се самитите на ЕУ и НАТО, ќе видите дека бугарошот Димитров и одродените Заев и Шекеринска ќе добијат лажно ветување. Сакам да ве уверам дека доаѓаат нови политички околности“- рече Бачев.

Тој кажа дека власта ќе се обиде да го протурка договорот и ќе се надева дека народот тоа ќе го заборави.