Возрасна жена од Скопје била нападната и ограбена во својот дом од разбојници. Двајцата разбојници, чиј идентитет засега е непознат за полицијата, влегле во домот на 62-годишна скопјанка, која живеела сама и била со нарушена здравје по што ја ограбиле. 

Според информации на полицијата, додека бабата спиела, крадците влегле во куќата преку незаклучена влезна врата, по што едно од лицата со рака и ја затворило устата.

„Потоа од рака и го одзело прстенот, по што одзеле еден телевизор и го напуштиле местото“, велат од МВР.

Случајот во полиција го пријавила нејзината 43-годишна ќерка.

Настанот се случил вечерта помеѓу петокот и саботата пред полноќ. Од полицијата додаваат дека се преземаат мерки за расчистување на случајот.