Австралијанка е приведена затоа што го пречекорила дозволениот туристички престој
На скопскиот аеродром е приведена државјанка на Австралија.
Ноќеска во 2 часот по полноќ, полицијата на скопскиот аеродром приведе државјанка на Австралија. Полицијата информира дека на граничниот премин „Меѓународен аеродром"-Скопје од полициски службеници е приведена Н.Д.(29) од Австралија, затоа што по извршена пасошка контрола и проверка во службените евиденции било констатирано дека го има пречекорено дозволениот туристички престој во земјава. Таа е предадена на полициски службеници од Одделението за странци и реадмисија – Скопје за понатамошна постапка.
Слично
Поврзани вести
