Арсовска: Единствен осуден од ДУИ досега е Стевчо Јакимовски
Градоначалничката на Скопје, Данела Арсовска, со статус на социјалните мрежи реагира до актуелната власт дека ниту еден функционер од ДУИ досега не е осуден за криминал, иако претходно имаше многу критика од тогашната опозиција.
„Пола од тие од ДУИ и СДСМ што збореа дека ја покрадоа и уништија државата, денес им се во Влада и не смеат да им писнат.
За тие што велеа ја дуизираат Македонија, криминалците од ДУИ и оној што го нарекуваа предавникот Заев си шетаат по Дубаи.
Единствен осуден од ДУИ излезе дека е Стевчо Јакимовски.
Овие во Чаир 225 милиона евра испрале, во моментов темели на нови 50 згради без дозвола и без платени комуналии прават, за нив МВР и Обвинителство се на одмор, па ќе одат на боледување, па ќе чекаат да заборавите. Крадат вода, крадат струја, а вие побрзајте платете си ги сметките на време“, напиша Арсовска.
Слично
Поврзани вести
