ДУИ како партија останува на ставот, Иванов да ја повлече одлуката за недоделување на мандат, и тоа е во линија на барања и на американскиот Стејт департмент и на Европската Унија, смета Теута Арифи.

– Иванов со одлуката да не го додели мандатот ја вовлече државата во институционална криза. Ние како ДУИ сме се однесувале со сериозна одговорност и кога сме пристапиле кон платформата и кон нејзините точки, кои како што реков и уште еднаш да потсетам, не се надвор од Уставот на Македонија ниту од тоа што значи Охридски рамковен договор – вели Арифи за Мета.

Арифи изјави дека ќе се најде и некое законско решение за распишување на локалните избори.

- Ова е проблем на сите политички партии. Ќе се бара некое законско решение, имајќи го предвид фактот дека општинските власти имаат директни ингеренции кои се однесуваат на граѓаните и на функционирање на градовите, така што мислам дека ќе се најде еден заеднички интерес, ако се одложуваат, да не се одложуваат многу, и се тоа да биде во рамки на законите – рече Арифи.