Освен што ќе ви најави кога треба да намалите, апликацијата може да ви помогне при изборот на рути во зависност од тоа дали сте возач на моторно возило, мотоциклист или таксист... Знаете ли како да ги направите подесувањата?

Денес е 1-ви февруари, денот кога и официјално започнува примената на системот „Безбеден град“, со што во полна функција влегува и автоматското снимање и санкционирање на сообраќајните прекршоци.

Се очекува со овој систем значително да се зголеми безбедноста во сообраќајот, затоа што станува збор за интегриран техничко-информациски систем кој преку камери и софтверски алатки ќе ги регистрира прекршоците во сообраќајот, без потреба од директно присуство на полициски службеници на терен.

Како што веќе е најавено, во првата фаза, камерите ќе санкционираат четири видови прекршоци:

• пречекорување на дозволената брзина,
• минување на црвено светло,
• управување возило со истечена регистрација и
• непрописно запирање или паркирање.

Камерите поставени на клучните сообраќајници и раскрсници во Скопје, Тетово и Куманово автоматски ќе го регистрираат прекршокот, ќе ја идентификуваат регистарската табличка и ќе ја процесираат снимката преку централен систем за верификација.