Две години и шест месеци затвор доби момчето што лани во април ја прегази и усмрти 20-годишната Верица Белчовска, на пешачкиот премин во центарот на Струмица.

Односно, апелацискиот суд во Штип ја зголемил казната затвор од 15 - на 30 месеци на И.Ч. (18) од Струмица.

Како што е познато, во јули годинава Основниот суд во Струмица на момчето му изрече пресуда од 15 месеци за сообраќајната несреќа. Таа се случи на 7 април годинава на булеварот „Ленинова" во Струмица, при што момчето кое возело автомобил „нисан“ удрило во Верица, која преминувала на пешачки премин. Возачот избегал од местото на несреќата, а подоцна, истиот ден, сам се пријавил во полициска станица.