Апелационата судијка  Лидија Димчевска, со 31 година судиски стаж, назначена е за  вршител на должност претседател на Апелациониот суд Скопје. Судскиот совет денеска со 13 гласа „за“ и еден „против“ ја избра сѐ до новиот избор на претседател на овој второстепен суд. Досегашната претседателка Лилјана Шопова заминува в пензија.

Судскиот совет иако денеска  требаше  да избере шеф на овој суд, откако официјално актуелната претседателка Шопова отиде во пензија, Советот одлучи дека вонредно ќе ги оценува пријавените кандидати бидејќи оценувањето врз кое се базираше изборот е од 2015 и 2016 година. Сега дополнително кандидатите ќе бидат тестирани вонредно за Советот да добиел вистинска слика за кандидатите.