Апелациониот суд донесе одлука седум обвинети во предметот „Титаник“ покренат од СЈО да останат без пасоши и редовно да се јавуваат на проверка 

Апелациониот суд ги потврди првостепените одлуки да им бидат одземени патните исправи на Коста Митровски, Леко Ристовски, Станко Коруновски и Далибор Алешковиќ порано членови на општински изборни комисии.

Истата одлука важи и за Киро Тодоровски, шеф на поранешната министерка за внатрешни Гордана Јанкуловска и Мунир Пепиќ, обвинет дека посредувал за вадење на личните карти на граѓани од Пустец. Најдоцна до утре се очекува скопскиот Апелациски суд да ги објави и одлуките по жалбите на СЈО за неопределениот притвор на екс премиерот и лидер на ВМРО ДПМНЕ Никола Груевски, поранешните министри Гордана Јанкуловска и Миле Јанакиевски како и поранешните владини секретари Мартин Протоѓер и Кирил Божиновски.

Сите петмина се обвинети во предметот Титаник за злосторничко здружување, злоупотреба на пари во изборната кампања и повреда на избирачкото право.