Претседателот на Левица, Димитар Апасиев на социјалните мрежи го коментира загадувањето на воздухот. 

Тој ја обвини власта дека не презема мерки и затоа сме принудени да дишеме загаден воздух. 

„Наместо на подобро, работава со воздухот оди на полошо, откако се СДС на власт!?  Еве и емпириски докази.  А знаете оти? Оти фирми блиски до нив увезуваат ѓубре за горење. Оти намерно ги расипуваат мерачите. Оти инспекторите си спијат или ко ќе фатат дека има загадување, рекетираат за да не пишат казна. Оти Обвинителството си спие, иако јавна тајна е кој не труе и воздухот ни смрди на киселина... Ама, додека ги гласате СДСМ-ДПМНЕ, Цацко ќе ви биде крив“, пишува Апасиев.

Со денови повеќето градови во Македонија се загадени. Загаден воздух дишат и жителите на малите градови. 

На листата на air visual, попладневно Скопје е 6-от најзагаден град на светот.