Антикорупциска ќе достави предмет до ОЈО против екс градоначалникот Ивица Коневски за бесправно добивање деловен простор. 

Државната комисија за спречување на корупцијата (ДКСК) денеска на 100-та седница донесе одлука да достави предмет до Основното јавно обвинителство, како и до Финансиска полиција, против екс градоначалникот на Општина Аеродром, Ивица Коневски, за искористување на градоначалничката функција и да го смени деталниот урбанистички план кај Мајчин дом и на местото каде било впишано зеленило, да се впише 9-катница.

Од Антикорупциска го сомничат Коневски дека за лична корист – добивање на деловен простор од 312 метри квадратни, ја искористил функцијата градоначалник и место зеленило, нацртал зграда.

Претседателката на ДКСК, Билјана Ивановска објасни дека Обвинителството и Финансовата полиција треба да испитаат како го стекнал тој деловен простор.  Вели дека овој предмет е оформен по сопствена иницијатива, по допрен глас, за изградба на зграда кај Мајчин дом.