За македонските граѓани Србија е најважен сојузник, а Бугарија е закана.

За 34 отсто анкетираните граѓани на Македонија најважен сојузник е Србија, пред САД, за кои се изјасниле 17 отсто, трета е Турција со 12 отсто, а по нив следи Русија со 8 отсто и Албанија со 5 отсто. Ова го покажува последното мултинационално истражување на  Меѓународниот републикански институт (ИРИ) во земјите на Западен Балкан.

Најголема закана за Македонија е Бугарија, одговориле 23 проценти од македонските граѓани опфатени со анкетата на ИРИ спроведена во февруари и во март годинава со интервјуирање лице в лице. На второ место е Русија со 12 отсто, на трето Косово со 10 отсто, на четврто Албанија со 9 отсто и на петто САД со 8 отсто.

На многу анкети претходно, граѓаните се изјаснувале дека Србија е најпријателска земја на Македонија. 

foto freepik.com/vsr3168