Во пожарот кај селото Перово се изгорени повеќе овоштарници, кои претставуваа егзистенција за мештаните, а директорот на Дирекцијата за заштита и спасување(ДЗС), Стојанче Ангелов рече доколку околу нив бил изоран појас, овоштарниците ќе можеле да се спасат.

Ги повика граѓаните ако видат сомнително однесување, да пријават затоа што пожарот бил подметнат. Поради близината на Преспанското езеро, како што рече Ангелов, на авионот му се потребни само неколку минути да наполни вода и да ја фрли таму каде што е потребно. Еден ер трактор делува на терен, а треба да се вклучи и вториот.