Директорот на Дирекцијата за заштита и спасување(ДЗС), Стојанче Ангелов, апелира до сопствениците на викендички и куќи надвор од градските средини да преземат мерки за заштита од пожари. 

„Ги замолуваме сите граѓани кои имаат викендички или куќи, реновирани куќи во напуштени или запоставени села, но и оние кои живеат во последните куќи во населбите и селата вклучително и оние околу градот Скопје, да ги исчистат своите дворови од вегетација. Нека изораат со мотокултиватор или трактор или веќе ако имаат трева таа нека биде одржувана и зелена, што е прилично тешко во месец јули во Македонија. Исто така и од надворешна страна на дворот нека изораат, нека има по неколку метри мек појас кој нема вегетација бидејќи од она што можеме досега да го видиме постои опасност никој да не биде поштеден од соочување со огнот“, кажа Ангелов. 

Во последното деноноќие имало вкупно 40 пожари. Од нив 33 се изгаснати, два се ставени под контрола, а пет се активни. 

Третиот ер трактор е на сервис и во август ќе дејствува. 

фото ДЗС