Јавното претпријатие „Водовод и канализација“ – Скопје го објави неделниот лабораториски извештај за квалитетот и безбедноста на водата за пиење во главниот град, кој потврдува дека таа е во беспрекорна состојба.

Според официјалните податоци добиени од анализите спроведени во Секторот за санитарна контрола, во периодот од 13 до 17 јули 2026 година, биле земени вкупно 197 примероци за физичко-хемиска и исто толку (197) примероци за микробиолошка анализа. Тестирањата на водата биле извршени на 46 различни мерни места низ Градот Скопје.

Согласно лабораториските резултати од испитувањата, сите анализирани примероци во целост одговараат на Правилникот за барања за безбедност и квалитет на водата за пиење (Службен весник на РМ, бр.183/18).

Од ЈП „Водовод и канализација“ потенцираат дека овие редовни неделни извештаи се објавуваат со цел транспарентност и подобра информираност на граѓаните на Скопје за сигурноста на водата од градската мрежа.